ЕДУИНО-вебинарите се интерактивни неформални настани, каде што учесниците имаат можност да следат предавања на актуелни, иновативни и напредни теми од областа на образованието преку примери на добри практики и совети од свои колеги практичари.
Настаните се обмислени да нудат можност за поставување прашања и консултирање со предавачите околу одредени форми, методи, техники и инструменти за спроведување на процесот на учење и поучување во модерната настава.
Неверојатната бројка од повеќе од 18.000 учесници што го проследија минатогодишното прво издание од серијалот, нѐ охрабри и оваа година да одговориме на потребите и на предизвиците на едукаторите. Сега, серијалот ЕДУИНО-вебинари 2021 го проширува својот фокус кон применливото знаење.
Преку серијалот ЕДУИНО-вебинари 2021, учесниците ќе можат да го подобрат својот личен и професионален развој како едукатори, стекнувајќи знаење од своите колеги, реномирани предавачи, секој во својата област. Слушателите на овие вебинари ќе се стекнат со различни знаења, кои ќе имаат можност да ги покажат и да ги споделат.
Воедно, годинава особено внимание посветивме на начинот и на процедурата, со крајна цел зголемување на вредноста на сертификатите. Самиот концепт предвидува дека предуслов за добивање на сертификатот ќе бидат реализираните активности на учесниците. Овој процес е осмислен за да им овозможи на слушателите да се здобијат со сериозно практично искуство.
Со ваквиот поинаков и подобрен пристап, сите учесници ќе имаат можност да се стекнат со два сертификата: сертификат за стекнати знаења и сертификат за применети знаења.
#наменето за: наставници од основните училишта
#датум: среда, 20.10.2021год., 18:00 – 19:30
#работен јазик: македонски
#можности за сертификат: сертификат за стекнати знаења & сертификат за применети знаења
#наменето за: наставници од основните и средните училишта, стручните соработници
#датум: среда, 27.10.2021, 18:00 – 19:30
#работен јазик: македонски
#можности за сертификат: сертификат за стекнати знаења & сертификат за применети знаења
#наменето за: наставници од основните училишта, воспитувачи, стручните соработници
#датум: понеделник, 01.11.2021 год., 18:00 – 19:30
#работен јазик: македонски
#можности за сертификат: сертификат за стекнати знаења & сертификат за применети знаења
Непосредно по завршувањето на вебинарот, преку споделување линк од Google forms на слушателите ќе им биде отворен и достапен квиз со десет (10) прашања, од кои за да се добие сертификатот за стекнати знаења, најмалку седум треба да бидат точно одговорени (или 70%). Решавањето на квизот ќе биде возможно само петнаесет минути (15 мин.) по настанот. Неопходно е да нагласиме дека првиот сертификат ќе може да го добијат единствено оние пријавени слушатели, кои ќе бидат во можност во живо да го следат предавањето.
Вториот е сертификат за примена на стекнатите знаења (применети знаења) и предвидува изготвување активност. По завршувањето на секој вебинар, предвидено е предавачот да зададе две активности, од кои учесникот може да одбере една. Со стекнати 60% реализација, потврдена преку самоевалуација од страна на слушателот и евалуација од предавачот, слушателот се стекнува со сертификат за применети знаења. Посебно е важно да нагласиме дека со вториот сертификат ќе може да се стекнат и сите претходно пријавени слушатели, кои не биле во можност во живо да го следат предавањето. За нив е предвидена можност во рок од десет дена по одржувањето на вебинарот, да ја погледнат снимката од него, да ја изготват активноста и да го поднесат извештајот за извршените активности и евалуацијата, со што и тие имаат можност да добијат сертификат за применети знаења.
Доколку ги проследивте сите овие чекори, вашата пријава е уредно поднесена и ќе биде евалуирана од страна на предавачот. Таблата и копчето за поднесување на пријава на реализирана активност ќе бидат активни 10 дена по завршувањето на вебинарот.
За помош ви нудиме:
Напомена: Сите нецелосни или несоодветни објави на Padlet ќе бидат отстранети од страна на техничкото лице.
