Темата на вебинарот нуди преглед на клучните концепти кои ги објаснуваат разликите во учењето, како и импликациите за планирање и спроведување на инклузивната настава. Оваа вебинарска сесија е наменета за едукаторите кои имаат намера да воведат ефективни педагошки пристапи и стратегии за инклузивно, дигитално и комбинирано учење во наставата. Петте модули се посветени на: разбирањето на различностите на учениците и нивните разлики во учењето, начините за поттикнување на мотивацијата, пристапите на инклузивната педагогија, потребата и развојот на индивидуалниот образовен план, како и на практики кои поддржуваат инклузивни
педагошки методи.

За предавачите:

Игор Богданоски е професор по математика и наставник- ментор во „ООУ Блаже Конески“ во Прилеп. Во текот на неговата две децениска кариера континуирано професионално се надградува за што говори и изборот на Богдановски за Scientix амбасадор на Македонија, а воедно тој е и Microsoft Innovative Educator Expert, Microsoft Master Trainer, Microsoft 365 и Moodle администратор. Автор е на повеќе трудови од областа образовен менаџменти и математиката.

Специјалниот едукатор и рехабилитатор м-р Розалија Бошковски работи како советник во Министерството за образование и наука. Бошковски има повеќегодишно искуство како практичар и обучувач на полето на инклузивното образование.