Вебинарот е наменет за сите родители, наставници, воспитувачи, стручни соработници и раководен кадар од основни училишта и градинките, кои се заинтересирани подобро да го разберат детето и светот зад екранот. Како да комуницираме со децата на генерацијата Алфа? Кои пристапи се најважни за родителите? Како до безбедно и здраво користење на социјалните медиуми? Ова се некои од прашањата што ќе бидат опфатени на интерактивниот вебинар, кој преку дискусија за актуелни теми и автентични примери може да им помогне на наставниците и на родителите. Учесниците на вебинарот ќе добијат конкретни насоки што ќе им овозможат ефикасно да комуницираат со родителите и со учениците, за да можат безбедно и одговорно да навигираат низ дигиталниот свет.

Овие содржини се дел од Прирачникот за медиумска писменост на родители, којшто треба да им послужи на наставниците и на родителите лесно и ефикасно да ги водат учениците низ дигиталната сфера.

Овој вебинар освен за наставниците од основно училиште е предвиден и за воспитниот кадар од предучилиштните установи.

За предавачите:

Тамара Ќупева е научен соработник и долгогодишен просветен работник.

Ирена Христовска е магистер по политички науки, комуникација и медиуми, долгогодишен просветен работник, едукатор и обучувач за наставници, родители и деца.

Тие се обучувачи за медиумска писменост во рамки на проектот на УСАИД за медиумска писменост “Младите размислуваат” што го спроведуваа ИРЕКС и локалните партнери МИМ, ИКС и МОФ во соработка со БРО и МОН.