Овој вебинар е наменет за училишното раководство, стручната служба и сите заинтересирани наставници во основно и средно образование. Вебинарот нуди корисни стратегии и програми за рана идентификација, интервенција и училишна програма за намалување на осипувањето на ученици. Со оглед на податоците кои покажуваат најголемо осипување во средно образование, тие училишта може да бидат приоретизирани.

За предавачот: Ана Попризова е психолог и Гешталт терапевт. Над 20 год. работи како професор по психологија и училиштен психолог. Претседателка е на активнот на стручни соработници на средните училишта на Град Скопје.
Посебен интерес покажува за психологија на адолесцентите и ги познава нивните особини, период на развој и предизвиците со кои се соочуваат во образовниот процес и пошироко. Добро го познава образовниот систем и има искуство во едукација на ученици, наставници и родители. Ја интересираат и теми од ментално здравје, личен раст и развој и психотерапија.